Je m'appelle Eka..

September 3rd, 2010 by Katiée

Bear Grylls & Man vs. Wild in Georgia!

ბერ გრილსი მოგზაური და ტელევარსკვლავია, რომელსაც მსოფლიოს თითქმის ყველა ნაწილში იცნობენ.

Channel 4, Military Channel და რაც მთავარია Discovery – ის არხებია, სადაც ბერ გრილსის გადაცემები გადიოდა ან გადის, Man vs. Wild (იგივე Ultimate Survival) კი – მისი ყველაზე ცნობილი და ძალიან რეიტინგული შოუ.

Eating Worm

გადაცემა ბერ გრილსის რისკიან მოგზაურობას ასახავს. იგი მსოფლიოს სხვადასხვა ნაწილში ექსტრემალურ პირობებში დახეტიალობს, თავის გადასარჩენად ჭამს უმ ჭიებს, ხოჭოებს, ტარაკნებს და ამ ყველაფერს კამერაზე იწერს.

სულ ახლახანს გადაცემის მე-5 სეზონი დაიწყო (იხ. ეპიზოდების სრული ჩამონათვალი).

აბა გამოიცანით სად გადაიღეს მე-5 სეზონის მე-4 ეპიზოდი? დიახ, საქართველოში! აჰ, თქვენც პირველად გესმით? რა გასაკვირია, ჩვენი ტელევიზიები ხომ მუდმივად ვიღაცის პირად ცხოვრებაში ცხვირის ჩაყოფით და ე.წ. “სტარ”-ების “ფეშენ-ვედინგების” და ბიჭოლას კაბების გარჩევით არიან დაკავებულნი. აბა სად გვცალია იმისთვის, რომ “ვიღაც ჩამოსულს” ყურადღება მივაქციოთ და მადლობა მაინც ვუთხრათ, მსოფლიოს მაშტაბით რომ გვიწევს რეკლამირებას. თან, ჩვენ ხომ თავადაც მშვენივრად ვიღებთ რეკლამებს, თან ისეთს, რომ ჩვენვე შურით ვივსებით და გვინდება იმ საქართველოში, რომელიც კლიპშია, მაგრამ …

მოკლედ, გაბრაზება გვერდზე გადავდოთ და თემას დავუბრუნდეთ.

ბერ გრილსი საქართველოს 2010 წლის გაზაფხულზე ესტუმრა. თოვლიან და ნისლიან მთებში ვერტმფრენიდან დაეშვა, შემდეგ კი მგლებით სავსე ტყეებში და ჭაობებთან დაბანაკდა.

ამ მოგზაურობის ამსახველი ეპიზოდი ეთერში ორიოდ დღის წინ, 1 სექტემბერს გავიდა და ახლა უკვე Youtube.Com-ზეც შეიძლება ნახვა.
მაშ ასე, იხილეთ, ისიამოვნეთ და გაავრცელეთ ! :))


Fatal error: Uncaught Exception: 12: REST API is deprecated for versions v2.1 and higher (12) thrown in /home/katieege/domains/katiee.ge/public_html/wp-content/plugins/seo-facebook-comments/facebook/base_facebook.php on line 1273