Je m'appelle Eka..

October 24th, 2010 by Katiée

გეგმები, მიზნები, ემოციები

კარგა ხნის წინ ვნახე ეს მოკლე პრეზენტაცია და ფეისბუქზეც დავაშერე.
ჩვენში კარგად გავრცელებული ცრურწმენა, რომ საკუთარი მიზნების შესახებ ხმამაღლა არ უნდა
ილაპარაკო, თურმე ფსიქოლოგებს მეცნიერიულად დაუსაბუთებიათ და მარტივი დასკვნაც გამოუტანიათ: როცა საკუთარ გეგმებს სხვებს უზიარებთ, თქვენც და ისინიც წინასწარ აღფრთოვანდებიან, პოზიტიურ feedback-ს წინასწარ იღებთ და ქვეცნობიერად შეგრძნება გიჩნდებათ, რომ გეგმის განხორციელებამდე თითქმის აღარაფერი დარჩა, ამ დროს თვითკმაყოფილებაში ვარდებით და მოტივაცია გეკარგებათო.
ძალიან საინტერესო პრეზენტაციაა, ნახეთ (თან ტიტრები არის ინგლისურად და რუსულად)

ფსიქოლოგი არ ვარ, მაგრამ დარწმუნებული ვარ, თუ ცოტას მოვინდომებდი, არანაკლები წარმატებით დავამტკიცებდი, რომ ადამიანები, რომლებიც საკუთარ გულჩვილობის, ემოციურობის, კეთილშობილების და ა.შ. სადემონსტრაციოდ ბევრ ენერგიას, სიტყვას ხარჯავენ, საკუთარი თავის ანუ მათ მიერვე შექმნილი იმიჯის/ბრენდის ხიბლში ვარდებიან და რეალურად ამ დადებითი ემოციების განხორციელებისთვის უნარი (აღ)არ შესწევთ. (ან არც არასოდეს შესწევდათ და სწორედ ამიტომაც ახდენ(დნ)ენ კომპენსაციას)

მაგრამ მეზარება ამის მტკიცება, უბრალოდ მენდეთ :) ან იქნებ უკვე უჩემოდაც დაამტკიცეს?


Fatal error: Uncaught Exception: 12: REST API is deprecated for versions v2.1 and higher (12) thrown in /home/katieege/domains/katiee.ge/public_html/wp-content/plugins/seo-facebook-comments/facebook/base_facebook.php on line 1273