Je m'appelle Eka..

October 26th, 2012 by Katiée

მეზობელი

03.2012

როგორც იქნა, strawberrynet-იდან ‘რუჟი’ გამოვიწერე (აი, ადრე რომ ‘რუმიანა’-ს ეძახდნენ ის). რა ძვირია ეს კოსმეტიკა. კიდევ კარგი, ხარისხიანი, ყველაფერი წელიწადზე მეტხანს მყოფნის.

საღამოსკენ კარზე მეზობელმა დააკაკუნა. მოხუცები არიან. ცოლქმარი. რუსები. ორივე ქართულს ამტვრევს. ქმარიაო ცუდად, სასწრაფო გამომაძახებინეთო. მოწამლულა. უფასო სასადილოში ვჭამთო, გაამხილა და აწყინაო რაღაცამ.

მე კიდევ სულ რაღაც 60$ ‘რუმიანაში’ მივათხლიშე.

10.2012

ზარია. ისევ тётя გალჲა. ტირის. ქმარი დაკარგა. 70 წლისაა სერგეი. საბუთისთვის გავედითო, იუსტიციის სახლში გაგვაგზავნეს და მარტო წავიდაო და 5 საათი გავიდა, არ დაბრუნებულაო. გახდა ექვსი, შვიდი, დაიკეტა ბანკები, იუსტიციის სახლიც. მოემზადნენ მეზობლები სასწრაფოში დასარეკად, ან პატრულში. როგორ გინდა იპოვო მილიონნახევრიან ქალაქში ადამიანი, რომელსაც მობილურიც არ აქვს?

8 საათისთვის სერგეი ამოლასლასდა აღმართზე, წვიმაში. ფული აღარ მქონდა და ფეხით წამოვედიო.

იუსტიციის სახლიდან საბურთალომდე.

 


Fatal error: Uncaught Exception: 12: REST API is deprecated for versions v2.1 and higher (12) thrown in /home/katieege/domains/katiee.ge/public_html/wp-content/plugins/seo-facebook-comments/facebook/base_facebook.php on line 1273