Je m'appelle Eka..

June 13th, 2011 by Katiée

მხრები თუ გამოეტია, თავი რატომ არ გამოეტია? :D

დღეს, სად, თუ არა ფეისბუქზე, სიახლე გავრცელდა: გრძელი გვარსახელის მქონე ადამიანებს ახალ, ბიომეტრიულ პასპორტებში სახელს, გვარს ან ორივეს ერთად შემოკლებით ჩაუწერენ, თუ სხვაგვარად პასპორტში გამოყოფილ შესაბამის გრაფაში სრულად ჩატევა ვერ მოხერხდა.

თავიდან ეს ამბავი ხუმრობა მეგონა, რომელსაც საინფორმაციო სააგენტო წამოეგო, თუმცა შემდეგ ნორმატიული აქტი ვნახე და დავრწმუნდი, რომ ყველაფერი სიმართლეა.

მთელი დღეა, ძალიან მხიარულად ვარ :D ყველა ქვეყანას აქვს უცნაური კანონი და ჩვენც ხომ უნდა გვქონდეს ერთი? რატომაც არა? :D

სამწუხაროდ არ მაქვს ახალი, ბიომეტრიული პასპორტი, რომ ჩავხედო და ვნახო, რამხელაა ის გრაფა, გვარსახელი რომ არ ეტევა, ან რა გვარსახელია ასეთი, პასპორტში რომ ვერ ჩატიეს და ნორმატიული აქტის ცვლილების მიზეზი გახდა? :D

თუმცა, ჭორად გავრცელდა, 50 სიმბოლოს არ უნდა აღემატებოდესო (“პრაბელით” თუ “უპრაბელოდ”, არ მკითხოთ, არ ვიცი :D).

თვით დიეგო არმანდო მარადონა და ედსონ არანტეშ დუ ნასიმენტუ (a.k.a. პელე) რომ იშვას საქართველოში, ამ 50 სიმბოლოიან ლიმიტს ვერ გაცდებიან, ის კი არა, ჩემი მეგობარი – დიანა ბასტოს ვასკონსილოს ბომფიმიც “უპრაბელოდ” – 30, “პრაბელებით” კი – 33 სიმბოლომდე თუ ქაჩავს :D

ჯერჯერობით კვლავ ასეთი გვარ-სახელის ძიებაში ვართ და თუ რაიმე მოგაფიქრდებათ, არ დაიზაროთ, კომენტარებში შემომთავაზეთ.

მაგრამ, ყველაზე მეტად რამაც გამამხიარულა, იყო ფრაზა:

“..თუ შესაძლებელია, მოკლდება სახელის/გვარის მხოლოდ ქართული ჩანაწერი”

ახლა, რა მაინტერესებს, იცით?
დავიჯერო, ინგლისურად უფრო მოკლედ იწერება ჩვენებური , , , , , , , და , ვიდრე ქართულად? და ინგლისურად თუ ეტევა, მაშინ ვითომ ქართულად რატომ აღარ ჩაეტევა იგივე გვარ-სახელი?

სამჭკუაშვილის არ იყოს, მხრები თუ გამოეტია, თავი რატომ აღარ გამოეტია? ვითომ, აქაც ლავუაზიეს კანონია? :D

__________

ეს ყველაფერი ნახევრად ხუმრობით, სერიოზულად კი – იხილეთ შემდეგ პოსტში.


Fatal error: Uncaught Exception: 12: REST API is deprecated for versions v2.1 and higher (12) thrown in /home/katieege/domains/katiee.ge/public_html/wp-content/plugins/seo-facebook-comments/facebook/base_facebook.php on line 1273