Je m'appelle Eka..

December 17th, 2012 by Katiée

ღიმილები

ადრე ვფიქრობდი და ახლაც მაინტერესებს, თუმცა ვერ ჩავუჯექი და წავიკითხე, მეცნიერულად როგორაა ახსნილი ის ფაქტი, რომ ადამიანს სიამოვნებას ანიჭებს მუსიკა, სილამაზე, მოფერება, კოცნა. ვინ გადაწყვიტა, რომ სიხარულის გამოსახატად ადამიანმა უნდა გაიცინოს, ხოლო ძაღლმა – კუდი გააქიცინოს? არა მგონია ეს გამომუშავებული ჩვევის ამბავი იყოს, რაღაც თანდაყოლილია. ბავშვს ხომ არავინ ასწავლის სიცილს ან ტირილს.

ბოლო დროს ქუჩაში გაღიმებული დავდივარ, გაუაზრებლად და დაუგეგმავად. მე თვითონ ალბათ ვერც მივხვდებოდი, რომ არა რამდენიმე შემხვედრის თუ მოლარის გაოცებული სახე.

უცნაურია, საქართველოში შეჩვეული ვართ დაღვრემილი სიარულს.

გაიღიმეთ. ახალი წელი მოდის :) ახალი წელი თუ არ მოვიდა, 21 დეკემბერია მანამდე და ვისაც 2012-ის ბოლოს სამყაროს აღსასრულის გჯერათ, ღიმილით მაინც გაატარეთ დარჩენილი ხუთიოდე დღე ;)


Fatal error: Uncaught Exception: 12: REST API is deprecated for versions v2.1 and higher (12) thrown in /home/katieege/domains/katiee.ge/public_html/wp-content/plugins/seo-facebook-comments/facebook/base_facebook.php on line 1273