Je m'appelle Eka..

August 25th, 2015

ცივი ზღვის ნაპირზე

ორი კინკილა გიჟი გადარეული და ზღვას დახამებული თბილისელი იყინავდა თავს ბათუმის ცივ ქვებზე. ზღვა მოდგაფუნებდა, ერთი-ორჯერ კიდეც მოგვწვდა და გაგვწუწა. ორი დღე მტკიოდა წელი იმ ქვებზე რომ გამეყინა. მაინც კარგი იყო. იოდის და თევზის სუნი მოაქვს ხოლმე ზღვას. ამას თბილისში ვეღარ იგრძნობ.

ამ დროს გამყიდველიც თითო-ოროლა თუ გამოივლის. ვის რა უნდა მიყიდონ, ნაპირზე არავინაა. რომ არ უჭირდეთ, ამ ქარში რა გამოიყვანდათ.

bebo1

 

– გოგოებო, იყიდეთ რამე.

– რა გაქვთ? ეს ბრინჯის ბურბუშელა რა ღირს?

– ლარნახევარი, ჩემი გოგო.

რაამბავია.

25 თეთრი ღირდა ჩემს ბავშვობაში და მაგარი დელიკატესი იყო.

ვნახო ერთი, როგორია სინამდვილეში ბავშვობისგემოიანი ფშუტურა ფანტელები.

burbushela1
April 13th, 2014

ვმუშაობთ, ვმუშაობთ!

გერმანელი ტექნიკოსი ურეკავს თავის კოლეგას გერმანიაში: მსგავსი არ მინახავსო, ერთი მუშაობს, ორი მითითებებს აძლევს, როგორ უნდა იმუშაოსო, სამი იმ ორს ეუბნება – დროზე, დროზე!-ო და ოთხი მობილურზე ვიღაცეებს ურეკავს, მალე მოვრჩებით, ვმუშაობთო.

ბათუმი, 2011

პოსტი წარმოადგენს ნაამბობის პერიფრაზს, პირველწყაროდან

mushebi
August 13th, 2013

ფოტოები 1 საუკუნის აპარატიდან

Kodak_Folding_1913 აპარატს, რომლითაც ეს ფოტოებია გადაღებული, წელს ზუსტად 1 საუკუნე შეუსრულდა. ფოტოები შარშან, ბათუმში გადავიღე, თავად აპარატი კი Kodak Premo No.2 Ball Bearing Shutter Folding Camera 1913 წელს არის გამოშვებული.

ფოტოაპარატი შარშან, დაბადების დღეზე მაჩუქეს და გუშინდლამდე არ ვიცოდი, ჯერ კიდევ ჰქონდა თუ არა შერჩენილი თავდაპირველი ფუნქცია. ნებისმიერ შემთხვევაში, დეკორაციის როლსაც მშვენივრად შეასრულებდა ამ ვიზუალით, მაგრამ ფოტოები რომ გამოვიდა, თან არცთუ ურიგო, ძალიან გამიხარდა.

გადაღებისას ყველაფერი ვარაუდზე ხდება, ფოკუსი ვარაუდზე უნდა გაასწორო, რადგან დაბურულ ვიუფაინდერში თითქმის არაფერი ჩანს და რაცაა, ისიც სარკულად ამოყირავებული. იგივენაირად ირჩევა დაყოვნების დროც. ფირი კი ხელით უნდა გადაახვიო, რის გამოც დიდი შანსია აგერიოს, უკვე გადაიღე თუ არა. ამიტომაც, ქვემოთ, ფოტოების ნაწილზე სპეციალურად, ნაწილზე კი შემთხვევით არის ორმაგი და ხანდახან სამმაგი ექსპოზიცია.

დამუშავება: სულ ოდნავ მომატებულია კონტრასტები და სიმკვეთრე (sharpening)

Cover_Kodak_Folding_1913_Batumi

.

BatumiColorKodak5

.

BatumiColorKodak2

.

BatumiColorKodak3

.

BatumiColorKodak1

.

BatumiColorKodak6

.

BatumiBWKodak3

.

BatumiBWKodak4

.

BatumiBWKodak2

BatumiBWKodak5

.

BatumiBWKodak6

.

BatumiBWKodak7

მოკლედ, არ ვიცი თქვენ გაიზიარებთ თუ არა ჩემს კმაყოფილებას, მაგრამ მე ძალიან მომწონს ჩემი სატესტო ჩხაკუნის შედეგი. მითუმეტეს იმის ფონზე, რომ ფერადი ფირი ბაბიმ (ლაბრადორმა) დამიღეჭა და ფუჯიში დიდი ბოდიშებით დავტოვე ნახვრეტებიანი ფირი გასამჟღავნებლად (კბილების კვალი გადასარევად ეტყობა პირველ ფოტოს :D)

ცუდი ის არის, რომ სამაგიეროდ ჩემმა Holga-მ მიღალატა და ნიუ-იორკში გადაღებული ფოტოების ნაცვლად სრულიად თეთრი ფირი შემრჩა :/

to be continued..

პ.ს. ისე, უნდა გავამხილო და ყველაზე მეტად სულ პირველი, ჩემი ფეხების ფოტო მომწონს, ბაბის კბილების ეფექტით :D

November 14th, 2011

ვანის ჩუსტები

პოსტი “ყველამ დაწერა და ბარემ მეც დავწერ”სერიიდან

ყოველთვის ვამბობდი, ცაში თითაშვერილ და ცხენისკუდზებურთგამობმულ ძეგლებს ისე ვერ ვიტან, გიგი უგულავა თუ გავხდები (ანუ ქალაქის თავი), ძეგლების უმრავლესობას სანაგვეზე მოვისვრითქო. მე გიგი უგულავა ვერ გავხდი, მაგრამ უჩემოდაც კარგად მოახერხეს ეს ამბავი, მეტნაკლები წარმატებით.

იმასაც ვამბობდი, რა იქნება მეფეების ამ copy-paste ძეგლების ნაცვლად ორიგინალური ინსტალაციები იყოს ქალაქში, აი ისეთი, ადგილობრივ თუ უცხოელ ტურისტს რომ ფოტოს გადაღება მოუნდესთქო. ჯერჯერობით ასეთი მხოლოდ რამდენიმე მახსენდება – სპორტის სასახლის ტიტლიკანა ‘ფოთოლა’ და ძუძუებდაბერილი მუზა.

თუმცა, ბოლო დროს გაჩნდა პატარა საინტერესო სტატუები. ჩემი ფავორიტი რუსთაველის გამზირზე ჩამწკრივებული პატარა მათხოვრები და მუსიკოსებია ♡ . ხიდზე შემოსკუპული შეყვარებული წყვილიც მომწონს და თეთრი ხიდიდან გადასახტომად გამზადებული პიკასოს ბიჭიც. თქვენ წარმოიდგინეთ, ბათუმის ცენტრში უსირცხვილოდ გამოჭიმული, სამი, შიშველი-გადარეული ლაქტაციის ქალღმერთიც მომეწონა და ე.წ. “შედი-გამოდიც” (თუ ამ უკანასკნელის გამოფატრულ შიგთავსს არ ჩავთვლით, მთელი მექანიზმის რომ ჩანს. არადა საუკუნის წინანდელ მუსიკალურ საკრავებშია იატაკი დაფარული და იქ რა პრობლემა იყო ასეთი, წვიმა რომ არ ჩასდიოდეს მოძრავ მექანიზმს და დაჟანგებული ხრახნები არ ჩანდეს?)

ბათუმი

ჰოოდა, შენ ხარ ჩემი ბატონი, სანამ ჩვენ აქ ვბლოგავთ და ივანიშვილისა და კომპანიის მიმოწერის კითხვით ვიქცევთ თავს, ბათუმქალაქში კიდევ ერთი ორიგინალური ‘რაღაც’ დაიდგა.

მე არ ვიცი ეს ‘რაღაც’ კარგია თუ ცუდია, შესაბამის ადგილას დგას, თუ შეუსაბამო; ასე უნდა იყოს ბალახზე მიყრილი ახალდადებული კვერცხივით თუ ჯობდა მოპრიალებულ ზედაპირზე დაეწყოთ (სხვა თუ არაფერი – ფოტოს გადასაღებად მისულ ადამიანს ბალახის გათელვა ან ტალახში ჭყაპუნი რომ არ დასჭირვებოდა). გემოვნებაზე არ დავობენ, მითუმეტეს ნაკლებკომპეტენტურები.

მაგრამ!

გამაგებინოს ამისმა ავტორმა, ამ თანამედროვე, გაჩახჩახებულ და ნიცისუნახავსრომგაგხდის ისეთ ბათუმში – რაღა ეს საბჭოთა ბავშვობის დროინდელი, “ვანის ჩუსტები” შემოაწყო კვერცხებს, ა? :D

Plugin from the creators ofBrindes Personalizados :: More at PlulzWordpress Plugins