Je m'appelle Eka..

May 22nd, 2011

ბლოგები ფოტოგრაფიასა და მოდაზე

სანამ ავად ვარ და არანაირი აქტივობის ხალისი არ მაქვს (მათ შორის არც ამ ბლოგის ადმინში საუკუნის წინ დადრაფტული პოსტების დასრულების), ამ ერთ პოსტს, დამსახურებულად, სამიოდე ასე თუ ისე ახალ ბლოგს დავუთმობ.

ფოტოგრაფია, მართალია სრულად დავივიწყე და აგერ კვირანახევარია ჩემი აპარატი სხვას აქვს და არც მომიკითხავს, – მაინც ჩემი უცვლელი სიყვარულია. თუმცა ჩემივე ბლოგზე ფოტოგრაფიას არცთუ ბევრი პოსტი ეთმობა. სამაგიეროდ, ქარნეტში ჩნდება ახალი ბლოგები ფოტოგრაფებისა თუ ფოტოგრაფიაზე.

მოდის დიდი მიმდევარი და გემოვნების ეტალონი მე არ ვარ, ვერაფრით ვიგებ, რატომ უნდა მივცე 9000 ევრო ჰერმესის ჩანთაში (ალბათ მხოლოდ იმიტომ, რომ 900 000-ის პატრონს ნაკლები არ შემეფერება:D), თუმცა გემოვნებიანი და მოდური ბლოგების თვალიერება მაინც მიყვარს.

ბევრი რომ არ გავაგრძელო, უბრალოდ გირჩევთ გაეცნოთ:

1. თათათულის ფოტოგრაფიული ბლოგი – აქ იხილავთ თანამედროვე თუ მე-20 საუკუნის უამრავ შედევრს, თემატურად დალაგებულს, ისტორიებითა და აღწერებითურთ. საინტერესოა არა მხოლოდ ფოტოგრაფიით დაინტერესებულთათვის. ამ ბლოგმა, სრულიად დამსახურებულად დაიკავა top.ge-ზე პირველი პოზიციები :)

Afgan girl - by Steve McCurry

2. ლუის ჯერ სულ არ ჰქონდა და შემდეგ ერთბაშად ორი ბლოგი გააკეთა, ერთი საკუთარი შემოქმედებისთვის, მეორე – Street Fashion-ზე (აქაც საკუთარი ფოტოებით). ორივე ერთი-მეორეზე უკეთესია (დააკლიკეთ ფოტოებზე):

ლუის ფოტოგრაფიული ბლოგი

ლუის Fashion ბლოგი

3. ნინო ელიავას Fashion ბლოგი – მართლაც არაჩვეულებრივია (როგორც მივხვდი, ეს გოგონა ლონდონში ცხოვრობს და ბლოგი მეტნაკლებად მის პროფესიულ საქმიანობასაც უკავშირდება). აუცილებლად ნახეთ და ისიამოვნეთ:

ნინო ელიავას Trivial Insanity

March 17th, 2011

ვის “მიყიდეს” სული ბლოგერებმა ?

გუშინ, ეკონომიკის სამინისტროს ინიციატივით, 20-მდე ქართველ ბლოგერთან შეხვედრა გაიმართა, რომელსაც მინისტრი, ვერა ქობალიაც დაესწრო.

ვიდრე მოძმე ბლოგერები, ფეისბუქელები, ან სულაც რუსი “კოლეგები” ვიშვიშს ატეხავენ – “ბლოგერებს ავერბოვკებენო” (რაც, ზაფხულში, კვარიათში გამართული სემინარის შემდეგ ერთხელ უკვე გამოვცადეთ), მინდა მოკლედ დავწერო გუშინდელი შეხვედრის შესახებ და გაგარკვიოთ, მივყიდეთ თუ არა სული ეკონომიკის სამინისტროს. Read the rest of this entry »

January 9th, 2011

წლის ყველაზე …

“პირველად იყო სიტყვა და შემდეგ იყო ბლოგი”

ქართულ ნეტში დამკვიდრებული მოსაზრების თანახმად ბლოგი უცნაური სიტყვაა და სექტას ნიშნავს, ბლოგერები კი – სექტანტები არიან, ერთი ეგაა, ღმერთი ყველას თავისი ჰყავს – საკუთარი თავი.

2010 Best Blogs

სინამდვილეში ბლოგი ჩვეულებრივი სიტყვაა და მარტივად, იაფად და ლამაზად, ერთი ან რამდენიმე ადამიანის მიერ შექმნილ და მართულ ვებ-გვერდს ნიშნავს, რომელზეც დაწერ რასაც გინდა, როცა გინდა და რისთვისაც გინდა.

აქ, არავის საქმეა, პირად დღიურებს გადმოფენ, საკუთარ კომპანიას დაარეკლამებ თუ მთავრობას გააკრიტიკებ. ეს ის ადგილია, სადაც, წესით და რიგით, შენი თავი შენადვე უნდა გეყუდვნოდეს :)

ამ პრინციპების დაცვის მიხედვით ვაფასებ მე პირადად ნებისმიერ მათგანს და ამავე პრინციპით ვეცდები გამოვყო 2010 წლის საუკეთესო ქართული ბლოგები რამდენიმე კატეგორიის მიხედვით: Read the rest of this entry »

November 10th, 2010

TBC სმარტკლუბი და მოხმარებლის ინტერესების შელახვა

კავკასუსზე დღევანდელ აღშფოთებას ჯერ არ გაუვლია (სხვათა შორის, არც გუშინდელს – შაშკინზე) და ახლა ახალი კანდიდატი გამოჩნდა “რომ გერევა და ბაბაია რომ უნდა დაუძახო”, აი იმ კატეგორიიდან. ეს არც მეტი, არც ნაკლები, თიბისი ბანკის ერთერთი პროდუქტი (ჰო, ვიცი რომ უცნაურად ჟღერს), სმარტკლუბი და მისი ფეისბუქ-გვერდია.

დასაწყისშივე დავწერ, რომ თიბისი ჩემი რჩეული ბანკია და ჩემს მოკრძალებულ ანგარიშს ერთგულად ვანდობ ამ ბანკს, უკვე თითქმის 7 წელია და პარალელურად ბრმა ერთგულებით ვცდილობ ხელი დავაფარო რიგ ნაკლოვანებებს (მაგ. მუდმივად პრობლემურ ინტერბანკინგს, რომელიც ხან ნაშთს მიჩვენებს არასწორად, ხან გადარიცხვას აგვიანებს, ხან მობილურის ბალანსს არ მივსებს, ბილაინი აგერ ახლახანს ძლივს აღირსა და დაიმატა ჩამონათვალში და გუგლ-ქრომი რომ ჯერ არ გაუცვნია, მაგაზე აღარაფერს ვამბობ. მე მაინც კონკურენტი ბანკის ჩავარდნები მიხარია და ბოროტად ვქირქილებ მათს სექსისტურ რეკლამებზე), მაგრამ ეს ყველაფერი იქით იყოს. სხვა დროს.

ამჯერად სხვა რამ გახდა ჩემი აღშფოთების მიზეზი.
სმარტკლუბმა ორიოდ კვირის წინ ბლოგერების კონკურსი დააანონსა :

კონკურსის ანონსი და წესები

iPad-ი საკმაოდ მომხიბვლელი პრიზია, ჰოდა ბლოგერებიც დაირაზმნენ და გაგზავნეს თავიანთი ფავორიტი პოსტები მითითებულ მეილზე. პროგრამა მაქსიმუმს და პრიზის მოგებას თუ ვერ შევძლებთ, ჩვენს ბლოგს რამდენიმე კლიკი და მკითხველი მაინც ხომ შეემატება, რატომაც არა? მთავარი ხომ მონაწილეობაა და არა გამარჯვება? ;)

ჰოდა, აი დღეს დაიწყო კონკურსი. პოსტები კონკურსისათვის სპეციალურად შექმნილი აპლიკაციის საშუალებით დაიპოსტა. Read the rest of this entry »

Plugin from the creators ofBrindes Personalizados :: More at PlulzWordpress Plugins