Je m'appelle Eka..

August 25th, 2015

ცივი ზღვის ნაპირზე

ორი კინკილა გიჟი გადარეული და ზღვას დახამებული თბილისელი იყინავდა თავს ბათუმის ცივ ქვებზე. ზღვა მოდგაფუნებდა, ერთი-ორჯერ კიდეც მოგვწვდა და გაგვწუწა. ორი დღე მტკიოდა წელი იმ ქვებზე რომ გამეყინა. მაინც კარგი იყო. იოდის და თევზის სუნი მოაქვს ხოლმე ზღვას. ამას თბილისში ვეღარ იგრძნობ.

ამ დროს გამყიდველიც თითო-ოროლა თუ გამოივლის. ვის რა უნდა მიყიდონ, ნაპირზე არავინაა. რომ არ უჭირდეთ, ამ ქარში რა გამოიყვანდათ.

bebo1

 

– გოგოებო, იყიდეთ რამე.

– რა გაქვთ? ეს ბრინჯის ბურბუშელა რა ღირს?

– ლარნახევარი, ჩემი გოგო.

რაამბავია.

25 თეთრი ღირდა ჩემს ბავშვობაში და მაგარი დელიკატესი იყო.

ვნახო ერთი, როგორია სინამდვილეში ბავშვობისგემოიანი ფშუტურა ფანტელები.

burbushela1
September 15th, 2013

და მერე იქმნა ინსტაგრამი..

I did selfshots, before it was cool.
და მერე იქმნა ინსტაგრამი, რომელმაც ყველაფერი გააფუჭა..

selfshot1

selfshot6

selfshot7

combwsm

selfshot8

selfshot9

selfshot10

toiletpaper

eoniani

selfshot3

 

January 16th, 2013

The Bright Side of Being Single? – პასუხი ანინას

“Being single means being less boring, more friendly, more motivated for better future, prettier than before, well-dressed, make-uped, with more free time, always ready to get even more new friends than before, all for the best :)”

როცა ანინას პოსტზე ეს კომენტარი მობილურით ავკრიფე, დამეზარა და ბოლომდე აღარ განვავრცე აზრი და ცოტა წინააღმდეგობრივი თუ ზედაპირული გამოვიდა, რაც ალბათ არც გამახსენდებოდა, რომ არა ჩემი მეგობრის იჭვნარევი PM, ამ კომენტარის ნახვისას რომ მომწერა :)

ვინც ჩემს ბლოგს კითხულობს, იცის, რომ მსგავს თემებზე საჯარო მსჯელობები დიდად არ მიყვარს, ყოველ შემთხვევაში – ბლოგზე. მაგრამ ისიც ეცოდინება, რომ დიიდი კომენტარის წერისას ხშირად გადამიფიქრებია და პოსტი გამომიქვეყნებია. ჰოდა ამჯერადაც ის შემთხვევაა (თავისმართლებისსმაილიკი).

ერთი შეხედვით, ის ყველაფერი, რაც ზემოთ დავწერე, არის the bright side of being single: მეტი დრო მხოლოდ საკუთარი თავისთვის და მეტი თავისუფლება – მხოლოდ ეს ორი უკვე ძალიან მნიშვნელოვანია. მაგრამ, ერთი და იგივე რამ ხომ შეიძლება იყოს როგორც bright ისე dark side, იმის მიხედვით თუ რომელი მხრიდან შეხედავ, ან რომელი მხრიდან გაწყობს, რომ შეხედო.

სინამდვილეში კი ამ ყველაფერს, როგორც bright side-ს მხოლოდ მაშინ ხედავ, როცა გინდა, რომ ასე დაინახო და სხვებსაც დაანახო (ანუ, როგორც ვახტანგი იტყვის ხოლმე, – თვითზომბირებას ეწევი), ან მაშინ, როცა ყველაფერი ძველი უფასურდება, ცუდი და კარგი ერთიანდება და უბრალოდ ღირებულებას კარგავს, ჩნდება საბოლოო გაუცხოება და ინდიფერენტულობა. ეს უკანასკნელი კი ალბათ, მხოლოდ მაშინ ხდება, როცა ახალი სტიმული ჩნდება, რამე ან.. ვინმე. ამ დროს სინამდვილეში შინაგანად სულაც აღარ გრძნობ თავს single, მაგრამ არ იმჩნევ და ამტკიცებ, რომ C’mon guys, it’s so great to be single! you see? (არშემჩნევას სხვადასხვა მიზეზი შეიძლება ჰქონდეს, ჩამოთვლას ცალკე პოსტი დაჭირდება). სინამდვილეში კი ესაა, უფრო ზუტად – “ისაა”, რაც გაიძულებს იყო less boring, more friendly, more motivated for better future, well-dressed, always make-uped, prettier than before, with more free time, always ready to get new friends, etc.. :)

აი შემდეგ რა ხდება არ ვიცი, ამას ჰეფიენდიან ფილმებში არ აჩვენებენ და ცუდ ფილმებს ჩვენ არ ვუყურებთ :)

miserable life poster

January 2nd, 2013

2012

ბლოგი მომიძველდა, სულ უფრო იშვიათად ვსტუმრობ. სტატისტიკასაც ეტყობა, არც გაიმხილება, რამდენი ვიზიტორია დღეში. აბა რა იქნება, სულ 36 პოსტი მთელი 2012 წლის მანძილზე: თითქმის ორჯერ ნაკლები, ვიდრე წინა წელს და თითქმის სამჯერ ნაკლები, ვიდრე იმის წინა წელს. ასე თუ გავაგრძელე, მალე სათაურიღა დავრჩები :)

2013 წ დადგა, აპოკალიფსის გარეშე. ბლოგებზე რაღაც ტრადიციასავითაა, პოსტი ან საახალწლოდ უნდა დაწერო, ან ნაახალწლევს. ან იმაზე, როგორ გიყვარს ახალი წელი, ან იმაზე – როგორ არ გიყვარს. ან წინა წელი შეაჯამო, ან ახალი დაგეგმო.

ახლა რომელი გავაკეთო? ყველა მსგავსი პოსტი უკვე დაწერილი მაქვს, 2008 წლიდან დღემდე:

2008-ში თავი ორიგინალურობით თავი დიდად არ მომიკლავს და უბრალოდ საშობაო მილოცვები შემიკრებია სხვადასხვა ენაზე, 2010-ში კი ბევრი მიწუწუნია სტანდარტულ მისალოც ტექსტებზე, რომელიც 31 დეკემბრიდან და ვიდრე აღდგომამდე ჩვენი მოკითხვებისა და სალმების განუყოფელი და მომაბეზრებელი ნაწილი ხდება.

2011-ში წინა წლის ყველაზე საინტერესო ბლოგები დამისახელებია. ჰმ, რაოდენ სუბიექტურია გემოვნება და როგორ იცვლება ის წლიდან წლამდე :).

ამავე 2011 წელს, წინა წელიც შემიჯამებია და შეიძლება ითქვას, ამ ბლოგზე ყველაზე უფრო პირადული პოსტი დამიწერია.

შარშან საახალწლოდ ფილოსოფიური მსჯელობა გამიმართავს თემაზე, რატომ ვერ იტანენ ახალ წელს დიდები? (აქ კიდევ რამდენიმე საინტერესო და საგულისხმო დეტალია, რაც თქვენ არ დაგაინტერესებთ, ამიტომ არ შევჩერდები).

და აი გადავაგორეთ საშიში 2012 და დადგა ნანატრი 2013. რა შეცვალა 2012-მა? ქვეყნისთვის – ბევრი და მნიშვნელოვანი. მაგრამ, ამაზე წერა მეზარება.

ჩემთვის? ჩემთვისაც ბევრი.

2012-ში დავუშვი იმაზე მეტი შეცდომა, ვიდრე 2010-ში და ამის გამო ჯერაც ძალიან მრცხვენია. თუმცა, სანაცვლოდ, იმედი მაქვს, ვისწავლე ბევრი რამ. სჯობს გვიან, ვიდრე არასდროს :)

მაგალითად, აღმოვაჩინე/ვისწავლე/დავრწმუნდი, რომ ადამიანები არ იცვლებიან. მათ შორის, არც მე;
რომ მაქვს საოცრად კარგი ინტუიცია, მაგრამ ასევე საოცრად კარგი უნარი, არ ვენდო მას;
რომ მე რატომღაც, ბევრი ისეთი ადამიანი მიცნობს, ვისაც მე არ ვიცნობ და ეს ძალიან რთულია, მაგრამ უკვე გვიანია;
რომ, როგორიც არ უნდა იყო, ყოველთვის იქნება ვიღაც – ოჯახის წევრი, მეგობარი, თანამშრომელი და ა.შ., რომელსაც სხვაგვარი წარმოდგენა აქვს იმაზე, როგორი უნდა იყო;
რომ სხვებს არ უნდა მიუდგე ისე, როგორც საკუთარ თავს, არსად, არცერთ სიტუაციაში. შეცდომა გარანტირებულია;
რომ ჭორებს არ უნდა აყვე, მაგრამ ყური უნდა დაუგდო;
რომ დედაჩემი ჩემზე გამოცდილი და შესაბამისად – ჭკვიანია, მთელ რიგ საკითხებში;
რომ ჩემი გეი-რადარი კარგად მუშაობს, მაგრამ კახპა-რადარის მუშაობაში მაქვს პრობლემები (ტერმინი “კახპა” უნისექსია ისე და მაინცდამაინც ქალს არ გულისხმობს, for your interest);
რომ თავმოყვარეობა და ღირსება ყველა სხვა გრძნობაზე მნიშვნელოვანია;
რომ საკუთარი ღირსების თამასა იმაზე დაბლა არ უნდა დაწიო, ვიდრე ჯერ არს, მერე თავის ადგილზე დაბრუნება გაგიჭირდება;
რომ ხანდახან მაღალქუსლიანი ფეხსაცმელი ცოცხალ ადამიანზე ძვირფასია :);
რომ ანდაზა ღორის ტილის შესახებ 100% მართალია.

თუმცა, მთავარი ისაა, რომ ამავე 2012 წელმა დამიბრუნა რამდენიმე ‘რამ’, რაც 2010-მა წამართვა და ეს ბევრად მნიშვნელოვანი აღმოჩნდა, ვიდრე ყველაფერი ცუდი, რაც მანამდე იყო :)

ბედნიერ 2013-ს გისურვებთ!

Plugin from the creators ofBrindes Personalizados :: More at PlulzWordpress Plugins