Je m'appelle Eka..

January 16th, 2012

ომი გიქნიათო, გივარგილ.

– ომი გიქნიათო, გივარგილ.

– ომი ვქენითო, დედფალ.

– წაგიგიათო ომი, გივარგილ.

– წავაგეთო ომი, დედფალ.

– მაშ, რა აზრი ჰქონდაო ბრძოლას, გივარგილ?

– ბრძოლას ყოველთვის აქვსო აზრი, დედფალ.

* * *

გივარგილ“, სვანური ხალხური პოემა

March 15th, 2011

Svaneti Extreme Week 2011

ზუსტად არ ვიცი, რა ჩატარდა სვანეთში და რამდენად გადასარევი იყო ის, რაც ჩატარდა, მაგრამ ის კი ვიცი, რომ დიდი ხანია ასე ვიდეო-რგოლი არ მომწონებია ❤
ფანტასტიური ფერები, შესაბამისი მუსიკა, ნაკლები ხელოვნურობა და გატყლარჭული სიტყვები. Well done, guys! :))

და, როგორც მივხვდი, ამ ყველაფრის შემაჯამებელ ფილმსაც უნდა ველოდოთ :)

October 27th, 2010

სოლო-ტური: თბილისი – უშგული 2010 (Videos)

მაშ ასე, როგორც იქნა ლევან არღვლიანმა გვაღირსა თბილისი-უშგულის 24 დღიანი სოლო ტურის ამსახველი ვიდეო და ტექსტური ჩანაწერები :))

სოლო-ტურის მარშრუტი

უყურეთ და ჩაერთეთ. მეც თქვენთან ერთად ვუყურებ.

ნაწილი 1: თბილისი-ზესტაფონი (რამდენი ხალხია ზესტაფონის პარკში;))

ნაწილი 2. ნახშირღელე-ხეთა

ნაწილი 3. ცაიში – გოგირდის წყლები – ხოკოს უღელტეხილი

შემდეგ სერიებში კი იხილავთ მოგზაურობას უკვე სვანეთის ტერიტორიაზე ;)

პ.ს. უფრო დაწვრილებით კი ლევანის მონათხრობს შეგიძლიათ გაეცნოთ ფორუმ.გე-ზე.

August 2nd, 2010

მიშაზე, ზანგებზე და სვანებზე

რამდენიმე დღეა ქართული პრესა (და მგონი უკვე მსოფლიოც) აჭრელდა ნიუსებით ჩვენი პრეზიდენტის “რასისტულ” გამონათქვამზე ”აბა, ჩვენ ზანგები ვართ? რატომ ვიქცევით ველურებივით?”-ო.

რამდენიმე დღეა მავანნი ამტკიცებენ, პრეზიდენტს შავკანიანების შეურაცხყოფა აზრად არ ჰქონია, უბრალოდ დამკვიდრებული იდიომა გამოიყენა დაჩაგვრის და ცუდად მოქცევის საილუსტრაციოდო. მავანთ კი გულწრფელად სჯერათ, რომ სააკაშვილი ისეთი რასისტია, ჯიბეში კუ-კლუქს-კლანის წევრის მოწმობა უდევს და შავკანიანთა ზიზღმა თვით ჩვენი მამა და მარჩენალის, ბარაქ ობამას კანის ფერიც კი დაავიწყა.

არადა, რას ვერჩით ამ ბიძიას, ვის არ უყვარს? ♥

საინტერესო ისაა, რომ პრეზიდენტის კრიტიკაში ჩართულია ყველა, მიუხედავად იმისა, თვითონ არიან თუ არა რასისტები, ნაცისტები, ფაშისტები. თუმცა ამას რა მნიშვნელობა აქვსო, მეტყვით და მეც დაგეთანხმებით. ვიცი, რომ პრეზიდენტის სიტყვას სხვა ძალა და მნიშვნელობა, თავად მას კი ჩვენზე მეტი პასუხისმგებლობა აქვს.

ამ ყველაფერმა ორი ჩვეულებრივი ამბავი გამახსენა. ჰოდა რაკი გამახსენდა, ბარემ თქვენც გიამბობთ, ვინძლო საკუთარი თავი ამო(ვ)იცნოთ :) Read the rest of this entry »

Plugin from the creators ofBrindes Personalizados :: More at PlulzWordpress Plugins